Kinilala ng lokal na pamalahaan ang mga natatangi at modelong QCitizens overseas Filipino workers (OFWs) at kanilang pamilya sa ginanap na 1st Ka-Kyusi Waging Pamilya OFW Award na pinangasiwaan ng Public Employment Service Office (PESO).
Hango ang award sa Model OFW Family of the Year Award ng national government at layon nitong magbigay importansya sa mga tagumpay at kontribusyon ng mga OFWs sa Lungsod Quezon.
Anim na OFWs at kanilang pamilya sa lahat ng distrito sa QC ang pinarangalan. Lahat ay may natatanging kwento ng pakikipagsapalaran at tagumpay bilang mga migrante sa malalayong bansa kaakibat ang kanilang sakripisyo at determinasyon para sa kanilang pamilya.
Nagsilbing speakers sina Department of Migrant Workers National Capital Region Regional Director Celso Hernandez Jr. at PESO Manager Rogelio L. Reyes.
Pagbati sa mga award-winning QC families:
District 1 – Tangonan Family
District 2 – Turzar-Fetalsana Family
District 3 – Picones-Chan Family
District 4 – Garcia-Fernandez Family
District 5 – Cano-Nueva Family
District 6 – Apo-Dalit Family
Sa anim na pamilyang napabilang, kinilala ang Tangonan Family bilang main winner sa City Level Ka-Kyusi Waging Pamilyang OFW award.
