Wagi ang QC sa ginanap na 2024 Seal of Protection Awards ng Government Service Insurance System.

Nakamit ng pamahalaang lungsod ang Bronze Seal of Protection sa selebrasyon ng “Pagpupugay sa mga Kaagapay ng GSIS”.

Tinanggap ni QC General Services Department head Fe Bass ang parangal bilang kinatawan ni Mayor Joy Belmonte noong ika-28 ng Nobyembre sa GSIS Head Office, Pasay City.

Ang pagkilalang iginawad sa QC ay patunay na mariing pinoprotektahan ng pamahalaan ang mga ari-arian o assets nito sa pamamagitan ng comprehensive insurance katuwang ang GSIS.