“Ang child labor ay hindi dapat bahagi ng kinabukasan ng sinumang bata sa Quezon City.”
Nagtipon-tipon ang nasa 400 kabataan at kanilang mga magulang, mga government officials at partner organizations sa 2025 World Day Against Child Labor program sa QC M.I.C.E. Center.
Sa kanyang talumpati, binigyang-diin ni Mayor Joy Belmonte ang sama-sama at tulong-tulong na aksyon ng lokal na pamahalaan, national government, mga organisasyon, at komunidad ang susi para tuluyan nang matuldukan ang child labor.
Nagbigay din ng kani-kanilang suporta sina Norwegian Ambassador to the Philippines His Excellency Christian Halaas Lister, Mission Alliance Country Director Karin Riska, Philippine Children’s Ministries Network National Director Fe Foronda, World Vision Development Foundation, Inc. National Director Dr. Herbert Quilon Carpio, at mga kinatawan ng Department of Labor and Employment.
May inihanda namang service caravan ang Public Employment Service Office (PESO) para sa mga kabataan at kanilang magulang.
Ang World Day Against Child Labor ngayong taon ay may temang “Sa Bagong Pilipinas: Mag-aaral ang Bata, Hindi Manggagawa”
