KUNG HEI FAT CHOI! 
Masayang nakiisa si Mayor Joy Belmonte sa engrandeng Chinese New Year Celebration sa Banawe Chinatown District ng Quezon City.
Sa kanyang mensahe, binigyang-diin ng alkalde ang kahalagahan ng pakikiisa sa selebrasyon ng Chinese at Filipino-Chinese community dahil sa kanilang mahalagang ambag sa kultura at ekonomiya hindi lamang sa Banawe kundi sa buong lungsod. Sa patuloy na pagpapaunlad ng Banawe, dinadayo na ito buong taon para sa mga restaurants, heritage sites, at iba-ibang cultural celebrations.
Sabay-sabay ding tinikman ng QCitizens at mga bisita ang giant tikoy bilang simbolo ng kasaganaan at pagkakaisa.
Pinasigla ang gabi sa pagtatanghal ng Hey June! at ni Jameson Blake, pati makukulay na lion at dragon dance, at face-changing performance. Pinakinang din ng bonggang fireworks display ang kalangitan ng Banawe.
Personal na nakibahagi sa selebrasyon sina Baguio City Mayor Hon. Benjamin Magalong, MMDA General Manager Gen. Nicolas Torre III, Chinese Embassy of the Philippines Deputy Chief of Mission and Minister Counselor Zhou Zhiyong, QC Association of Filipino-Chinese Businessmen Inc., Federation of Filipino Chinese Chambers of Commerce & Industry Inc., QC Department heads, at city officials.
