Aabot sa 100 women entrepreneurs mula sa iba-ibang lungsod sa Pilipinas ang magiging bahagi ng 2nd Philippine Summit ng Academy for Women Entrepreneurs (AWE).
Sasailalim sa mga training, discussion, at networking activities ang mga kalahok mula Quezon City, Bacolod, Baguio, Bohol, Manila, Puerto Princesa, at Zamboanga del Sur.
Sa kanyang talumpati, kinilala ni Mayor Joy Belmonte ang kahalagahan ng pagbibigay ng livelihood at skills opportunities sa mga kababaihan, na makakatulong sa pag-unlad ng kanilang komunidad.
Nagbigay din ng kanilang mensahe at suporta sa women entrepreneurs sina US Ambassador to the Philippines Her Excellency MaryKay Carlson, Department of Trade and Industry Asec. Grace Baluyan, at SPARK! Philippines Executive Director Maica Teves.
Ang AWE ay inorganisa ng SPARK! Philippines, sa pakikipagtulungan sa US Embassy in the Philippines, American Spaces Philippines, Quezon City Government, at J. Amado Araneta Foundation (JAAF).
