D1 ACTION OFFICE, MALAPIT NANG BUKSAN! 
Binisita ni Mayor Joy Belmonte kasama si District 1 Action Officer Ollie Belmonte ang kinukumpuning 4-storey Action Office na matatagpuan sa Barangay San Antonio ngayong Sabado.
Nasa 70% na ang completion rate nito at inaasahang matatapos sa Setyembre.
Kumpleto ang mga opisina ng mga departamento ng Pamahalaang Lungsod sa Action Office na layong mas mailapit sa QCitizens ang mga serbisyo ng lokal na pamahalaan.
Bukod sa kumpletong serbisyo publiko, magkakaroon ito ng pharmacy, multipurpose rooms na magagamit ng mga mamamayan, storage rooms, at rainwater collector room.
Kasama ng Alkalde sa pag-iikot sina Councilor TJ Calalay, Chief of Staff Rowena Macatao, City Engineer Atty. Dale Perral, City Architect Ar. Red Avelino, Internal Audit Service head Atty. Noel Gascon, Education Affairs Unit head Maricris Veloso, at P/B Daniel Berroya.
