Binisita ng media team ng Provincial Government ng Marinduque, sa pangunguna ng Team Leader na si Ms. Marie Antonette Malvar, ang Quezon City Hall para sa benchmarking activity sa Public Affairs & Information Services Department (PAISD).
Malugod silang tinanggap ni City Administrator Michael Alimurung.
Ibinahagi ng PAISD ang kanilang best practices kabilang ang mga istratehiya at proseso para sa mas mabilis at epektibong paghahatid ng impormasyon sa publiko.
Ipinasilip din sa mga bisita ang PAISD studio kung saan ginaganap ang award-winning bi-monthly infotainment talkshow ng QC na “Usapang QC”.
Kabilang sa mga dumalo sa benchmarking activity mula sa Provincial Government ng Marinduque sina John Erick Semilla, Herbert Marapia II, Leo Ben Lamonte, at Donnie Rey Malvar.
