Patuloy ang isinasagawang demolition at clearing operation sa Welcome Arch sa Tomas Morato at pagpipinta ng mga bangketa sa lugar.
Bahagi ito ng beautification, cleanup, at repair works sa Tomas Morato Avenue na inaasahang tatagal ng tatlong buwan.
Layon ng proyekto na maisaayos at mapaganda ang mga pampublikong espasyo sa lungsod upang mahikayat ang QCitizens na tangkilikin ang active transport tulad ng paglalakad at pagbibisikleta.
Nagtutulungan ang Office of the City Mayor (OCM), Quezon City Department of Engineering (QCDE), Parks Development and Administration Department (PDAD), Traffic and Transport Management Department (TTMD), Barangay and Community Relations Department (BCRD), Business Permits and Licensing Department (BPLD), Department of Sanitation and Cleanup Works (DSQC) at District 4 Action Office upang maisakatuparan ang proyekto.
