BASTA BATANG QC, MAIPAGMAMALAKI! 
Personal na ipinamahagi ni Mayor Joy Belmonte ang incentives sa higit 540 honor students mula sa mga pampublikong eskwelahan sa Lungsod Quezon ngayong Sabado.
Sa talumpati ng Alkalde, binigyang-diin niya na nasa kamay ng bawat kabataang QCitizens ang kinabukasan ng bayan. Hinimok niya ang mga estudyante na gawin ang tamang desisyon para sa ikauunlad at ikabubuti ng bansa.
Aabot sa 402 ang kabuuang bilang ng honor students mula grade school hanggang high school. Nasa 140 naman ang hinirang na awardee ng Joy of Public Service award ngayong taon.
Dumalo rin sa programa sina Vice Mayor Gian Sotto, Schools Divisions Office Superintendent Carleen Sedilla, Education Affairs Unit head Maricris Veloso, at Quezon City Schools Parent-Teacher Association Federation President Fernan Gana.
