Isinagawa ngayong araw ang turnover ng Quezon City Cooperative Development Plan 2025–2028 mula sa QC Cooperative Development Council patungo sa pamahalaang lungsod.

Personal na iniabot ni Ms. Annabelle Espino, Chairperson ng QC Cooperative Development Council, ang plano kay Mayor Joy Belmonte at Ms. Mona Celine Marie Yap ng QC Small Business and Cooperatives Development Promotions Office.

Ang planong ito ay naglalaman ng mga konkretong estratehiya para sa pagpapalakas at pagpapaunlad ng mga kooperatiba sa lungsod.

Layon nito na bigyan ng mas malawak na suporta ang sektor ng kooperatiba at MSMEs sa lungsod.

Nakiisa rin sa turnover sina Vice Mayor Gian Sotto, Konsehal Charm Ferrer, Konsehal Mari Rodriguez, Small Business and Cooperatives Development and Promotions Head Mona Yap, at mga kinatawan mula sa civil society organizations.