Para bigyang pagkilala ang mga natatanging lingkod-bayan ng Lungsod Quezon, pinarangalan ng Dedication to Duty Above Self Award ang mga piling traffic enforcers ng Traffic and Transport Management Department dahil sa kanilang katapangan na unahin ang kaligtasan ng iba bago ang sarili at dedikasyon na makapaglingkod sa kanilang kapwa.

Kabilang sa mga pinarangalan ng posthumous award sina Edgar Follero, Enrique Fresnido, Elvira Guerzon at bingyan din ng Bayani Ka award si Jeffrey Antolin para sa pagbuwis ng kanilang buhay upang iligtas ang kapwa QCitizen mula sa panganib.

Nakiisa sa paggawad sina Mayor Joy Belmonte, Vice Mayor Gian Sotto, mga konsehal, TTMD chief Dexter Cardenas, at Human Resources Management Department head Atty. Noel Del Prado kasabay ang flag-raising ceremony ngayong araw.

Mabuhay ang ating mga lingkod-bayan at saludo kami sa inyo!