Bilang bahagi ng paggunita ng National Cancer Awareness Month, nagsama-sama ang iba-ibang stakeholders sa ginanap na Philippine National Cancer Summit 2024 kung saan nagsilbing host city ang Quezon City.
Naimbitahan naman bilang panauhin si Mayor Joy Belmonte sa naturang programa kasama si Department of the Interior and Local Government (DILG) Secretary Benjamin Abalos, Jr.
Layon ng programa na mapaigting ang pagtutulungan ng public at private sector at magpatupad ng whole-of-society approach sa pagtugon sa cancer.
Nagbigay suporta si Mayor Joy sa National Integrated Cancer Control Program dahil aniya magpapatupad din ang QC ng parehong inisyatibo upang marami pang cancer patients ang matulungan ng programa.
Nanguna sa programa sina Philippine College of Surgeons Cancer Commission Foundation Chairman Dr. Manuel Francisco Roxas at Union for International Cancer Control President Mr. Jeff Dunn.
