Kinilala ng Quezon City Government ang mga natatanging security guard na nagpakita ng angking katapatan sa kanilang tungkulin!

Pinarangalan ng QC Honesty Exemplar Award sa flag-raising ceremony ngayong umaga sina Beverly Matos, King Cruz Lorenzo Jr., Moises Paul Matiga, at Alfonso Bug-os.

Nakatanggap naman ng QC Exemplar Beyond the Workplace Award sina Department of Public Order and Safety (DPOS) Head Gen. Elmo San Diego (Ret.), DPOS Executive Consultant George Regis, DPOS-CDD Head Remigio Gregorio, Bgy. Bahay Toro Chairperson Victor Ferrer, at Bgy. Katipunan Kagawad Geremiah Gonzales dahil sa nakamit nilang parangal para sa pamahalaang lungsod sa ginanap na 2nd Araw ng Kagitingan “Battle at the Fairway” Golf Tournament.

Itinanghal na Kampyon ng Matatag Division ang QC LGU Golf Team. Overall winner naman si Regis, 1st Runner-up sa Bayani Division si Ferrer, at 1st Runner-up sa Magiting Division si San Diego.