Pinirmahan na ang Memorandum of Understanding (MOU) sa pagitan ng Quezon City Government at Seagulls Flock Organization, Inc. (SFO) at International Gambling Counselor Certification Board (IGCCB).
Ang MOU ay para sa gaganapin na “1st International Conference on Responsible Gambling and Gaming Addiction” sa May 20-22, 2024.
Naimbitahan ang mga local at foreign researcher at professional sa larangan ng clinical treatment upang magbigay ng guidelines kung paano maging responsable sa pagsusugal at maiwasan ang pagiging lulong dito.
Nilagdaan ito nina Mayor Joy Belmonte, Chief of Staff Rowena Macatao, IGCCB Vice President Dr. Stephanie Diez-Morales, at SFO Treasurer Leila Ramos.
