Sa QC, alerto ang lahat anuman ang sakuna, emergency o kalamidad.
Inilunsad ng Quezon City ang ALERT QC Caravan para sa mga business establishment owners at administrators upang magbigay ng libreng first aid, fire prevention, at emergency preparedness training.
Ang ALERT QC (Awareness, Lifesaving, Emergency Response Training) program ay pinangunahan ng Business Permits and Licensing Department (BPLD) at QC Disaster Risk Reduction and Management Office (QC DRRMO) katuwang ang Philippine Red Cross QC Chapter.
Binigyan-diin ni Mayor Joy Belmonte ang kahalagahan ng skills training at capacity building upang maging handa ang lahat sa anumang uri ng sakuna lalo na sa pribadong sektor at sa komunidad.
Kasama sa launching ceremony sina Araneta City VP and Zone Manager Morriel Abogado, BPLD head Margie Mejia, at QCDRRMO head Bianca Perez.
