Malugod na sinalubong ng Quezon City Government ang Australian delegates na bahagi ng political exchange program ng Australian Political Exchange Council (APEC).
Ipinaliwanag nina Mayor Joy Belmonte, City Administrator Mike Alimurung, Small Business Cooperatives Development and Promotions Office (SBCDPO) Head Mona Yap at iba pang mga department head ang iba-ibang inisyatibo ng lokal na pamahalaan upang matugunan ang learning poverty at masiguro ang de-kalidad na edukasyon.
Ibinahagi rin ng Team QC ang iba pang programa ng pamahalaang lungsod tulad ng pagsusulong gender equality, inclusivity sa children with disability, food security, StartUP QC, at housing projects.
Kabilang sa mga bumisita sa QC Hall sina Hon. Laura Henderson (Member of Legislative Council, South Australia), Hon. Peter Foster (Member of Legislative Council, Western Australia), Hume City Mayor Joseph Haweil, Mr. Andrew Scott (Acting Assistant State Director- The National Party Victoria), Ms. Michelle Hofmann (Principal Solicitor, Hofman Legal), Mr. Connor Costello (Visits Coordinator, Australian Political Exchange Council Secretariat) at Ms. Emily Bailey (Ministerial Liaison Officer, Western Australian Government).
