Kinilala ng Quezon City Government si Jadriel Mirah Tadaya ng Quezon City Science High School at ang Payatas Football Club (PFC) na nagkamit ng karangalan sa mga international competition.

Si Jadriel ay third placer sa High School Academic Research Competition 2023 na isinagawa ng Columbia Undergraduate Science Journal.

Ang Payatas Football Club (women) naman ay bronze medalist sa ginanap na World Fairplay Soccer Championship sa Prora, Germany noong July 22.

Mismong sina Mayor Joy Belmonte, Vice Mayor Gian Sotto, Coun. Aly Medalla, at iba pang konsehal ang nagbigay ng city resolutions kina Jadriel at sa Payatas Football Club.