Binisita ni Mayor Joy Belmonte ang BalikQC Reintegration Fair na pinangunahan ng Quezon City Public Employment Service Office (QC PESO) sa Risen Garden ng City Hall.
Layunin ng programa na mabigyan ng mga reintegration services ang mga dumalo, kasama ang job employment, skills development, investment opportunities, social welfare services, re-migration support, at retirement planning.
Nakiisa sa fair ang mga booth ng national government agencies, QC departments, international at local job employers upang mas mailapit ang serbisyo publiko at trabaho sa mga job seeker.
Kasama ni Mayor Joy sa pagbisita sina Commission on Filipinos Overseas Executive Director Usec. Atty. Arlene Borja, PESO Manager Rogelio Reyes, Department of Migrant Workers – National Reintegration Center for OFWs Director Andrea Anolin, at mga kawani ng QC PESO.
