Kababaihan, kasama ka sa pag-unlad! 
Nakiisa si Mayor Joy Belmonte sa ginanap na Bayi Power: Feminist Leadership Summit ng Bayi, Inc. kung saan nagtipon ang ilang program fellow at kababaihang lider sa iba’t ibang bahagi ng bansa.
Tampok sa summit ang ilang inspirational talks, workshops, at makabuluhang talakayan kasama ang mga women leaders upang pag-usapan ang ilang napapanahong isyu ukol sa mga kababaihan at para isulong ang women empowerment.
Nakiisa sa progama sina Bayi, Inc. Co-Executive Director Ms. Maya Tamayo, University of the Philippines (UP) President Angelo Jimenez, European Union to the Philippines Attaché Ms. Ada Pasämaa, at UP Center for Women’s and Gender Studies (UPCWGS) Director Dr. Marby Villaceran.
Buo rin ang suporta ng partners tulad ng Canadian Embassy, Red Dot Foundation, Apolitical Foundation, at ng pamahalaang lungsod kasama ang QC Gender and Development Council Office sa pangunguna ni Ms. Janete Oviedo.
