QCitizens, ‘be wais at magduda’ sa online scams at fake news! 
Pinangunahan ni Mayor Joy Belmonte ang “Be Wais at Magduda” Community Guides Training launch sa Amoranto Sports Complex.
Dumalo sa programa sina Bayan Academy CEO Carlo Sagun, Executive Director Franz Luke Orbos, at Public Policy Manager ng Meta PH na si Genixon David.
Katuwang sa proyekto ang QC Public Employment Service Office, QC Public Affairs and Information Services Department, at Ateneo Office for Social Concern and Involvement (Ateneo-OSCI).
Bilang pilot city, layunin ng Quezon City na bigyan ng sapat na kaalaman ang mga Overseas Filipino Workers (OFWs) at kanilang pamilya, senior citizens, at maliliit na negosyante, para makaiwas sa mga online fraud at scam.
Layon rin ng proyekto na mapalakas ang digital awareness at cyber protection ng QCitizens.
