Bumisita sina Caibiran, Biliran Mayor Rhodessa Revita, Vice Mayor Linda Baleyos at mga kawani ng kanilang munisipalidad sa Lungsod Quezon upang magsagawa ng benchmarking activity ngayong araw para sa disaster management at food security framework ng lungsod.
Partikular na tinalakay ang iRiseUP (Intelligent, Resilient, and Integrated Systems for the Urban Population), isang smart technology system para sa disaster risk monitoring at early warning ng Quezon City Disaster Risk Reduction and Management Office (QCDRRMO).
Kasama rin ang Joy of Urban Farming, programa ng lungsod na nagtataguyod ng urban gardening bilang solusyon sa seguridad sa pagkain, dagdag-kabuhayan, at mas malusog na pamumuhay para sa mga mamamayan.
Pinangunahan ito nina QCDRRMO Head Bianca Perez, City Agriculturist Pocholo Bonifacio, at mga kawani ng Quezon City Tourism Department.
