Menu Eval Plus Tool: Appreciation Workshop
November 3, 2025Food business owner ka ba na may 2-4 branches, o hotel na nag-o-operate sa Quezon City? Sali na dito!
Magsasagawa ng Appreciation Workshop ukol sa Menu Eval Plus Tool ang QC Health Department, katuwang ang Department of Science and Technology – Food and Nutrition Research Institute (DOST-FNRI) sa November 3, 2025 (Lunes) sa QCX Business Center, Quezon Memorial Circle.
Ang Menu Eval Plus Tool na nilikha ng DOST-FNRI ay isang user-friendly platform na dinisenyo para tulungan ang mga food business owners sa pag-evaluate ng kanilang menu at pag-calculate ng sustansya o nutrients sa kanilang mga produktong pagkain. Makakatulong ito sa mga negosyo sa kanilang pagpaplano ng mas masustansyang menu, habang isinasaalang-alang ang mga itinakdang public health standards, at nutrition requirements ng customer.
Maaaring magpadala ng isang representative sa workshop ang bawat food establishment. Mag-register lamang dito: https://forms.gle/CZ1Cun1ZDZebs3ev7
PAALALA: Ang unang 75 food businesses na makakapag-register lamang ang mabibigyan ng slot sa workshop.
Para sa karagdagang impormasyon, maaaring makipag-ugnayan kay Ms. Jai Sideco ng QC Health Department: nutrition@quezoncity.gov.ph.
