Malugod na pagbati, CA Mike!

Kinilala si Quezon City Administrator Michael Victor Alimurung bilang isa sa Gawad Pagasa National Winners ng Philippine Civil Service Commission sa ginanap na Pagpupugay 2025: Parangal sa mga Lingkod Bayani.

Iginagawad ang parangal na ito sa mga indibidwal o grupo na mahusay magpatupad ng tungkulin at magsagawa ng mga inobasyon at pagbabago sa isang lokal na sangay, departamento, o kagawaran ng pamahalaan.

Siniguro ni CA Mike na isa ang QC sa pioneer ng maayos at epektibong digital transformation tulad ng pagpapatupad ng QC e-Services, upang mapadali at mapabilis ang proseso ng pag-apply sa mga serbisyo gaya ng Pangkabuhayang QC, Social Welfare Assistance, Scholarship Program, at iba pa.