Nagtipon-tipon ang mga opisyal ng pamahalaang lungsod, barangay, at mga kinatawan ng civil society organization sa regular session ng City Development Council ngayong Miyerkules.
Nagsilbing presiding officer sa pulong si Mayor Joy Belmonte, kung saan tinalakay ang iba-ibang programa at polisiya ng lokal na pamahalaan tulad ng Green Building Code ordinance at Open and Greening initiatives ng lungsod.
Nagbigay din ng update at status sa mga proyektong nakapaloob sa Local Development Investment Program (LDIP) ng QC, na nakatuon sa sektor ng social services, economic development, environment, land use and infrastructure, at institutional development.
Naitatag sa bisa ng Republic Act 7160 o Local Government Code of 1991, ang CDC ang bumubuo ng long-term, medium-term, at annual socioeconomic development plans ng lungsod.
