Nag-courtesy visit kay Mayor Joy Belmonte ang mga kawani ng Department of Transportation (DOTr) upang talakayin ang pagpapaunlad at rehabilitasyon ng anim na istasyon ng Light Rail Transit (LRT) Line 2 sa Lungsod Quezon.
Ibinahagi ni Mayor Joy at mga QC department heads ang kanilang mga suhestyon sa pagpapaganda at pagtugma nito sa mga inisyatibo ng lokal na pamahalaan. Partikular na ang climate change initiatives, active mobility, inclusivity, at pedestrianization sa paligid ng mga istasyon ng LRT.
Dumalo sa pulong sina Assistant City Administrator Alberto Kimpo, Climate Change and Environmental Sustainability Department head Andrea Villaroman, Department of Sanitation and Cleanup Works head Richard Santuile, Housing Community Development and Resettlement Department head Atty. Jojo Conejero, Zoning Administration Unit OIC Michael Velasco, City Planning and Development Department OIC Jed Gomez, Local Economic Investment Promotions Office head Jay Gatmaitan, Gender and Development Council Secretary Janete Oviedo, mga kawani ng QC Department of Engineering, DOTr-Rail Transport Planning Division Chief Ar. Koreen Hidalgo, at mga representatives mula sa International Finance Corporation at ARUP.
