Bumisita sa Quezon City Hall ang mga delegado ng Local Government Executives and Managers Class ng Development Academy of the Philippines (DAP). Ito ay bahagi ng kanilang short course tungkol sa Local Fiscal Administration and Management.
Nagsilbing speaker si City Administrator Michael Alimurung at ibinahagi niya ang automation at innovation initiatives ng lungsod, kabilang ang QC eServices Platform, QC Centralized Payments, at ang e-Official Receipt ng Quezon City.
Tinalakay naman ni Business Permit and Licensing Department Head Margie Mejia ang mga hakbang ng QC Government patungo sa mas pinadaling automation at digitalization ng mga serbisyo at proseso ng lungsod, tulad ng QC Biz Easy at QC Pay Easy.
Kabilang sa mga dumalo sina DAP Director Local Governance and Development Office Jannis Montañez, OIC Citizen Services Department Joel Distrajo, Mr. Jonas Domingo, at iba pang kawani ng pamahalaan mula sa iba-ibang lungsod at munisipalidad sa bansa.
