Bumisita kay Mayor Joy Belmonte ang mga bagong talagang mall managers ng SM Sta. Mesa, SM Fairview at SM Novaliches, at SM North EDSA.
Ipinahayag ng mga manager ang planong pagpapalawak pa ng mga mall, na maaaring magbigay ng karagdagang oportunidad para sa mga QCitizen.
Ibinahagi naman ng alkalde ang mga incentive na maaari nilang makuha, sa tulong ng City Local Economic Development and Incentives Code (City Ordinance 3296-2024).
Kasama ni Mayor Joy sa pulong sina Business Permits and Licensing Department (BPLD) Head Margie Mejia, at Local Economic Investment Promotions Office (LEIPO) Head Jay Gatmaitan.
