Bumisita si Philippine Sports Commission (PSC) Chairman John Patrick Gregorio kasama ang mga commissioner ng PSC sa tanggapan ni Mayor Joy Belmonte para talakayin ang mga sports development programs ng QC.
Iprinisinta ni City Administrator Michael Alimurung ang mga update sa isinasagawang sports facilities sa Quezon Memorial Circle, Amoranto Sports Complex, at Teresa Heights.
Ibinalita rin ni Vice Mayor Gian Sotto ang mga grassroots sports programs ng QC Sports Development Office, kabilang ang paglinang ng QC athletes at pagbibigay ng incentives para sa kanila.
Handang makipagtulungan ang QC sa PSC para mabigyan ng oportunidad ang homegrown athletes at malinang pa ang kanilang kahusayan sa sports.
Kasama sa pulong sina Asst. City Administrator for General Affairs Atty. Rene Grapilon, City Engineer Atty. Dale Perral, QMC Administrator Windsor Bueno, at City Architect Red Avelino.
