Mainit na tinanggap ng Quezon City Government ang pagbisita ni Romanian Ambassador to the Philippines Her Excellency Răduţa Dana Matache ngayong Huwebes.
Ibinahagi ni Mayor Joy Belmonte ang iba-ibang inisyatibo ng lungsod partikular sa women empowerment, pagsusulong sustainability at circular economy, at pagta-transition sa renewable energy sa pamamagitan ng solarization at electric fleet.
Mahigpit na makikipag-ugnayan ang lokal na pamahalaan sa Romanian Embassy para makipagtulungan sa iba pang adbokasiya at proyektong makakatulong sa pag-unlad ng mga QCitizen.
Kasama ni Mayor Joy nagbahagi ng mga inisyatibo ng lungsod sina Climate Change and Environmental Sustainability Department Head Andrea Villaroman, GAD Council Office Head Janete Oviedo, Local Economic Development and Investment Promotions Office Head Jay Gatmaitan, QC Tourism Department OIC Giana Barata, at External Relations Officer Tetta Tirona.
