WELCOME TO QC, UKRAINE AMBASSADOR! 
Binisita ni Ambassador of Ukraine to the Philippines H.E. Yuliia Fediv si Mayor Joy Belmonte sa Quezon City Hall upang talakayin ang pagpapaigting ng ugnayan ng lungsod at Ukraine.
Ibinahagi ng Alkalde kay Ambassador Fediv ang mga programa ng QC tulad ng QCinema International Film Festival, ang digitalization ng mga proseso sa City Hall, ang climate change initiatives, gender equality at pride month celebration, maging ang StartUp QC at mga urban farms.
Pinag-aaralan na rin ng lungsod at ng embahada ang Sister City agreement sa pagitan ng QC at Lviv City sa Ukraine.
Dumalo rin sa pulong sina City Administrator Mike Alimurung, Local Economic Development and Investment Promotions Office head Jay Gatmaitan, Tourism Department Acting Chief Operations Officer Giana Barata, at External Relations Officer Tetta Tirona.
