Nakatanggap ang 150 benepisyaryo ng Fill-a-Bottle (FAB) Kits handog ng QC Small Business and Cooperatives Development and Promotions Office at Climate Change and Environmental Sustainability Department.
Nanguna sina Mayor Joy Belmonte at SBCDPO head Mona Celine Yap sa pamamahagi ng mga FAB Kits sa sari-sari store owners.
Tinuruan din sila kung paano gamitin ang mga materyales para sa paggawa ng dishwashing liquid at fabric conditioner.
Ang mga mamimili naman ay hinihimok na gumamit ng reusable bottles tuwing sila ay bibili ng mga produkto sa kanilang suking tindahan.
Inaanyayahan ang mga QCitizen na tangkilikin ang FAB Stores at suportahan ang iba pang mga programang nagsusulong na maprotektahan ang kalikasan.
