Our Lady of the Most Holy Rosary La Naval de Manila, pray for us! 
Dumating na sa St. Peter Parish: Shrine of Leaders sa District 2 ang imahen ng Mahal na Birhen ng La Naval matapos itong mamalagi sa Cathedral-Shrine and Parish of the Good Shepherd mula sa District 5.
Sinalubong nina District 2 Action Officer Atty. Bong Teodoro at mga deboto ang imahen ng La Naval de Manila, habang nakiisa sa recorrido si District 5 Action Officer William Bawag.
Kasunod nito, nag-alay ng banal na misa ang pamahalaang lungsod sa pangunguna ni Mayor Joy Belmonte, kasama sina District 2 Rep. Ralph Tulfo, Coun. Dave Valmocina, Coun. Aly Medalla, Coun. Candy Medina, Coun. Mikey Belmonte, P/B Jojo Abad, P/B Wilfredo Cara, at P/B Rascal Doctor.
Isinagawa rin ang besa manto o pahalik sa baro/mantes sa imahen ng La Naval pagkatapos ng banal na misa.
Bukas, Oktubre 11 ay bibisita ang La Naval sa Distrito 3 at mag-iikot ito sa mga komunidad bago magtungo sa St. Joseph Shrine.
