Bilang bahagi ng paggunita sa Elderly Filipino week, kinilala ng Quezon City ang limang centenarian sa lungsod.

Ibinahagi nina Vice Mayor Gian Sotto at ng Office for the Senior Citizens Affairs of Quezon City (OSCA) sa mga centenarian at kanilang kamag-anak ang fruit basket, certificate, at P100,000 cash incentive mula sa pamahalaang lungsod batay sa City Ordinance 2542-2016.

Ang mga ginawaran ay sina Paulina Azurin, Juan Abella de Guzman, Josefina Pagaddu, Inocencia Salac, at Rosario Ravina.

Ang mga centenarian ay makakatanggap din ng monthly allowance, birthday gift, at christmas gift mula sa lokal na pamahalaan.

Para sa iba pang programa ng OSCA para sa mga lolo at lola, maaaring tumawag sa ( 8 ) 703-2843 o bisitahin ang Quezon City government website.