Upang malaman ang proseso ng Rishon LeZion pagdating sa emergencies at rescue operation, binisita ni Mayor Joy Belmonte ang Municipal Emergency Warehouse ng lungsod.

Ipinakita ni Mr. Ilan Tabib, Manager of Emergency Department at the Security Company ng Rishon LeZion Municipality, ang mobile command center, rescue trailers at iba pang mga makabagong kagamitan na kanilang ginagamit sa mga panahon ng sakuna tulad ng lindol.

Ipinaliwanag din ng rescue team ang kahalagahan ng kahandaan ng bawat kasapi at ng mga mamayan lalo na sa unang 48 oras ng sakuna (crucial time) upang maging matagumpay ang bawat rescue operation.

Pumunta sa Rishon LeZion, Israel si Mayor Belmonte at delegasyon ng Quezon City upang pumirma sa Sister City Agreement, at pag-aralan ang magagandang proyekto ng Rishon LeZion na maaaring ipatupad sa QC.