TULONG PANGKABUHAYAN SA QC
Pinangunahan ni Mayor Joy Belmonte ang distribusyon ng livelihood aid para sa limang former violent extremist na layong tugunan ang kanilang pagnenegosyo sa Lungsod Quezon.
Taong 2020 nang sumuko ang mga dating rebelde ng grupong Abu Sayyaf at naging benepisyaryo ng Enhanced Comprehensive Local Integration Program (ECLIP) na pinangangasiwaan ng Department of the Interior and Local Government (DILG).
Nakibahagi rin sila sa Financial Literacy Program and Basic Business Management ng Social Services Development Department (SSDD) na nakatulong sa kanilang pagnenegosyo.
Kasama sa seremonya sina DILG-QC Director Manny Borromeo, SSDD OIC Lorelei Salvador, Armed Forces of the Philippines-NCRCOM Inspector General Col. Wilfredo Manalang III, National Intelligence Coordinating Agency-NCR Deputy Regional Director Alastaire Balitaan, PLTCol. Allan Docyogen, at PCol. Rossel Cejas ng QC Police District.
