WELCOME TO QC, FES FELLOWS! 
Mainit na tinanggap ni Mayor Joy Belmonte ang pagbisita ng mga delegado ng Friedrich-Ebert Stiftung (FES) Philippines para sa kanilang benchmarking activity sa Lokal na Pamahalaan ng Lungsod Quezon.
Bahagi ng Gender Justice in Governance Workshop ang presentasyon ng mga programa ng Gender and Development (GAD) Council Office na sumusuporta sa LGBTQIA+ community at ang Tandang Sora Women’s Museum ng QC Tourism Department (QCTD).
Binubuo ang delegasyon ng mga kinatawan mula sa mga bansang Pilipinas, Nepal, India, Indonesia, Germany, Australia, Bangladesh, Kazakhstan, Mongolia, Pakistan, Thailand, South Korea, at Vietnam.
Nakibahagi sa pagsalubong sa mga bisita ng lungsod sina QCTD OIC Giana Barata, External Relations Officer Tetta Tirona, Pride PH Convenor Vince Liban, Akbayan Partylist Rep. Dadah Kiram Ismula, mga kawani ng QCTD at GAD Council Office.
