Malugod na binati ni Mayor Joy Belmonte ang pamunuan ng Barangay Blue Ridge B na nagkamit ng Galing Pook Award 2025 para sa kanilang programang “The Big One: A Clustered Street Camp Evacuation Approach,” isang huwarang inisyatiba sa kaligtasan ng komunidad.

Kasunod nito, pinangunahan ni Mayor Joy ang pulong kasama ang pamunuan ng barangay, upang talakayin ang mga isyu hinggil sa ilang ari-arian na agad namang tinugunan ng pamahalaang lungsod.

Dumalo rin sa pulong sina Barangay Chairperson Sessan Lee, General Services Department Head Fe Bass, Action Officer Atty.Tommy De Castro, at City Legal Officer Atty. Carlo Austria.