Sinimulan na ang bagong proyekto ng Department of Transportation (DOTr) na Kamuning Footbridge at ang rehabilitasyon ng Busway Station kahapon matapos ang inspeksyon at groundbreaking ceremony.
Nakibahagi si Mayor Joy Belmonte sa seremonya kasama si DOTr Secretary Vince Dizon, District 3 Representative Franz Pumaren, Assistant City Administrator for Operations Alberto Kimpo, at mga opisyal ng DOTr.
Planong i-demolish ang napakataas na footbridge na tinaguriang “Mt. Kamuning.” Papalitan ito ng mas accessible at pedestrian-friendly na footbridge na kokonekta sa Kamuning Busway Station.
Bahagi ng imprastraktura ang pagkakaroon ng 2 elevators, 2 wheelchair lifters, wayfinding signages, pagsasaayos ng waiting sheds, railings, equipment, at mga ilaw.
Dadagdagan din ito ng guard at traffic officer station post, Vertical Louvers, tactiles at floor tiles, at mga transit map at fare matrix.
