Handa nang magbigay ng serbisyo ang bagong renovate na San Vicente Health Center!
Ngayong araw, pormal nang pinasinayaan ang health center, sa pagtutulungan ng Quezon City Government at SM Foundation.
Aabot sa mahigit 15,000 residente ng Barangay San Vicente, Old Capitol Site, UP Village, at Teachers Village East ang maseserbisyuhan ng health center, na nakatuon sa pagbibigay ng primary health services kabilang ang libreng medical at dental consultations at health education activities.
Pinangunahan ni Mayor Joy Belmonte ang ceremonial ribbon-cutting ng newly-renovated health center kasama sina SM Foundation – Health and Medical Programs Executive Director Connie Angeles, QC Health Officer Dr. Ramona Abarquez, at San Vicente Chairperson Melchor Magusib.
