Nakibahagi ang scholars, policymakers, reform advocates, journalists, at civil society leaders sa Interdisciplinary Conference on Accountability, Reform, and Engagement (ICARE2025) sa QC M.I.C.E. Center.
Layon ng 3-day conference na talakayin at suriin ang estado ng corruption at accountability sa bansa, na magiging basehan sa pagbuo ng whole-of society approach interventions.
Sa kanyang mensahe, binigyang-diin ni Mayor Joy Belmonte na daan ang ganitong pagtitipon para patuloy na isulong ang good governance at transparency.
Kasabay nito, ibinahagi rin ni Mayor Joy ang iba-ibang hakbang na ginagawa ng lokal na pamahalaan para maisakatuparan ito. Kabilang na rito ang pagtatatag sa Internal Audit Service, pagbuo ng QC E-services bilang bahagi ng digital transformation, pagsulong sa open government partnership, at pagkakaroon ng QC Open Data dashboard.
Dumalo rin sa conference sina UP President Atty. Angelo Jimenez, UP Diliman Chancellor Atty. Edgardo Carlo Vistan, UP NCPAG Dean at Professor Dr. Kristoffer Berse, DPWH Usec. Nicasio Conti, DepEd Usec. Ronald Mendoza, Dr. Antonio La Viña ng UP Law, Atty. Miguel Solis ng DBM, at WeSolve Foundation president Mr. Kenneth Abante.
