Maaari nang madaanan ang northbound lane at isang service road ng Katipunan Ave.
Kasalukuyan pa ring nakasarado ang 3 lanes sa southbound ng Katipunan dahil sa inaayos na bumagsak na billboard at poste.
Sumikip ang daloy ng trapiko kaninang umaga sa kahabaan ng Katipunan Avenue dahil sa pagbagsak ng isang billboard at ng isang poste.
Patuloy ang pagtutulungan ng mga kawani ng Metro Manila Development Authority, Bureau of Fire Protection, Meralco, Traffic and Transport Management Department, Department of Public Order and Safety, QC Police District, QC Disaster Risk Reduction and Management Office at Barangay Loyola Heights Public Safety Officers upang ayusin ang sitwasyon sa lugar at gabayan ang daloy ng trapiko para matiyak ang kaligtasan ng mga motorista.
