Katuwang ang Khan Academy Philippines at Schools Division Office, sinuportahan ng lungsod ang paglulunsad ng training para sa 476 guro mula sa 158 pampublikong paaralan. Ginanap ang pagsasanay noong Nobyembre 9 at 10. Layon nitong tiyakin ang maayos na implementasyon ng Khan Academy program sa Quezon City.
Ang Khan Academy ay isang libreng online platform para sa pag-aaral na tumutulong sa mga estudyante, guro, at magulang. Mayroon itong video lessons, interactive na aktibidad, at personalized tools na madaling gamitin para matuto ng iba-ibang asignatura tulad ng Math, Science, at iba pa.
