QCitizens, punta na sa City Hall at tangkilikin ang masasarap na pagkain mula sa Lungsod Quezon!
Pinasinayaan na ng Kyusi Employees Multipurpose Cooperative (KEMPCO) katuwang ang QC Small Business and Cooperatives Development Promotions Office (SBCDPO) ang 2024 Kyusi Food Bazaar na matatagpuan sa QC Hall Plaza.
Tampok ang 30 QC-based food merchants na may kanya-kanyang natatanging produkto at culinary delights. Mula sa rice meals tulad ng silog, pinoy delicacies, iba-ibang kakanin, street foods, barbeque, bread and pastries, coffee, fruit shake, juices, at desserts.
Dumalo sa ribbon cutting ceremony sina Assistant City Administrator for Fiscal Affairs Don Javillonar, SBCDPO head Mona Yap, Councilor Nanette Daza, Councilor Mutya Castelo, at mga miyembro ng KEMPCO.
Bukas ito mula Lunes hanggang Biyernes, 8:00 AM – 5:00 PM, at magtatagal hanggang Marso 29, 2024.
