Lalo pang pina-crispy ang La Loma Lechon Festival! 
Tampok sa lechon cooking demo si Chef Tatung Sarthou, kung saan ibinahagi niya ang kanyang bersyon ng lechon bao buns at mga praktikal na teknik sa pagluluto.
Si Chef Tatung ay kilala bilang multi-award-winning chef, best-selling author, at creative force sa likod ng sikat na Filipino cooking show na Simpol.
Kinatawan rin niya ang bansa sa Madrid Fusión at naging featured contributor sa Netflix series na Street Food.
Iba-ibang putahe naman ng lechon ang tampok sa Lechon Reinvented Cook-Off, kung saan nagpakitang-gilas ang mga kalahok sa malikhaing pagluluto.
Nagwagi sa kumpetisyon si Ms. Alein Bernardo para sa kanyang Lugaw with Lechon, Tokwa’t Lechon, at Togue Lechon.
Nagsilbing hurado sa timpalak sina Chef Christine Robles, Chef John Ryan Trani, at Mr. Richard Matthew Abalos.
Dumalo rin sa selebrasyon sina QC Tourism Department OIC Giana Aira Barata at iba pang department heads at city officials.
