Magkakaroon na ng Lexus Gallery sa Quezon City!
Ngayong Martes, nakiisa si Mayor Joy Belmonte sa groundbreaking ceremony ng Lexus Quezon City (LQC) Gallery sa Sct. Esguerra, kasama sina District 4 Rep. Bong Suntay, Coun. Candy Medina, at executive officials ng Lexus Philippines, at LQGC.
Ayon kay Mayor Joy, sinisiguro ng lokal na pamahalaan na siguraduhing mabilis, maayos, at automated ang business processes ng lungsod para mas maraming mahikayat na negosyante. Kapag maraming negosyo, marami ring oportunidad at trabaho para sa mga QCitizen.
Bukod kina Rep. Suntay at Coun. Medina, naroon din sa groundbreaking ceremony sina Lexus Philippines Chairperson Alfred Ty, Vice Chairperson Dr. David Go, at President Mr. Masando Hashimoto, at LQC Gallery sa pangunguna nina Atty. Reginaldo Oben, at Don Juan Miguel Oben.
