Bilang pakikiisa sa National Women’s Month, nagsagawa ng medical at dental mission ang mga kinatawan ng National Commission on Muslim Filipinos (NCMF) para sa mga babaeng Muslim na persons deprived of liberty (PDL) ng QC Jail Female Dormitory (QCJFD).
Sumailalim ang mga PDL sa medical examination, dental check-up at tooth extraction, at binigyan ng mga gamot at bitamina.
Namahagi rin ang NCMF ng mga food packs at ‘mukna’ dress para sa 72 Muslim PDLs na nakibahagi sa programa. Mahalaga ang ‘mukna’ dress para sa pagdarasal at iba pang religious activities ng mga Muslim PDL ng QCJFD.
