Nakipagpulong si Mayor Joy Belmonte kay Barangay E. Rodriguez Punong-barangay Lakay Buena-agua para talakayin ang mga posibleng programang pabahay para sa kaniyang mga nasasakupan.

Bubuo ng plano ang lokal na pamahalaan, sa pangunguna ng Housing Community Development and Resettlement Department (HCDRD), para mabigyan ng katiyakan sa paninirahan ang mga QCitizen ng E. Rodriguez.

Kasama ng alkalde sa pulong ngayong araw sina HCDRD Chief Atty. Jojo Conejero at District 3 Action Officer Atty. Tommy De Castro.