Bumisita sa Quezon City Hall si City Cancer Challenge CEO Isabel Mestres kay Mayor Joy Belmonte ngayong Huwebes.

Pinag-usapan nila kung paano mas palalakasin ang cancer control initiatives ng lungsod, para mas maging epektibo at accessible sa mga residente.

Isusulong din ang patient navigation program at service delivery network para sa mga cancer patient.

Noong Pebrero, nagkasundo ang QC Government, C/Can, at Philippine Cancer Society (PCS), para pabilisin pa ang pag-detect at pagtugon sa sakit at mas palawigin ang kabuuang network ng cancer control.

Kasama ni Mayor Joy at C/Can CEO Mestres sina C/Can Regional Director for Asia Chika Kitajima, Quezon City Health Department Head Dr. Ramona Abarquez, QC Cancer Control Coordinator Dr. Karen See at Dr. Herdee Luna ng PCS.