Nakipagpulong si Mayor Joy Belmonte kay Globe Telecom CEO Carl Cruz para pag-usapan kung paano mas maisusulong ang digital connectivity and inclusivity sa mga QCitizen.
Kasama ang Bayan Family of Foundations, pinag-usapan sa meeting kung paano mas pagtitibayin at palalakasin ang digital inclusivity initiative sa lungsod katuwang ang mga social enterprise.
Magtutulungan din ang lokal na pamahalaan, Globe, at Bayan Family Foundations para maitaguyod ang QC bilang Social Enterprise Capital ng Pilipinas pagdating ng 2028.
Nagpahayag naman ng suporta ang Globe Telecom sa Quezon City para matugunan ang suliranin sa internet coverage at matuldukan ang Online Sexual Abuse and Exploitation of Children (OSAEC).
Kasama nina Mayor Joy at Cruz sa meeting sina Bayan Family of Foundations President and CEO Carlo Sagun, Small Business Cooperatives Development and Promotions Office (SBCDPO) Head Mona Yap, at Local Economic Development and Investment Promotions Office (LEDIPO) Head Jay Gatmaitan.
