Nakipagpulong ang Knowledge Channel Foundation sa Quezon City Government para pag-usapan kung paano pa mas maitataas ang kalidad ng edukasyon para sa mga batang QCitizen.

Ibinahagi ni Ms. Rina Lopez ang kanilang pilot na programa para sa K to 3 Foundational Learning and Nurturing Care Bill na nagpapahalaga sa early childhood care and development.

Handa naman ang lokal na pamahalaan na makipagtulungan sa Knowledge Channel Foundation para mas mapabuti pa ang kalidad ng edukasyon at masiguro ang pagkatuto at kalusugan ng mga bata.

Dumalo si Mayor Joy Belmonte sa pulong kasama sina Education Affairs Unit Chief Maricris Veloso, Schools Division Office Superintendent Carleen Sedilla, City Health Officer Dr. Ramona Abarquez, at kinatawan ng Social Services Development Department.